Os mistos na Praza de España!
E a Caixiña percorrendo a cidade da Coruña... Fin de semana tras fin de semana, con moitas películas distintas que ofrecervos, que non se apague a mecha!
Volvemos estar con vós este sábado 26 de setembro, en Elviña, na rúa Salvador de Madariaga. De 11:30 a 14:00 e de 16:30 a 20:00. Vide, que vai a facer un sol de xustiza! Que facedes na casa? E xa non é tempo de praia... Así que achegádevos, que Mr Misto xa pactou coas nubes e non se vai a repetir o do sábado pasado... Semellante tormentón! A foto quitámola no ratiño que deixou de chover... Menos mal que a nosa caravana é resistente ao mal tempo e pudemos ver peliculiñas e esquecer o día de cans.
E se queredes seguir aprendendo trucos de maxia espectaculares co mago Caxo... Entón si que non podedes faltar á nosa cita en Salvador de Madariaga. Porque EL tamén vai estar con vós entre peli e peli, e se vos portades ben... quizais vos ensine a facer voar un paxaro de papel!
A Caixa dos mistos vaite buscar
Haxa vacas, monte ou camiños de cabras
Mr Misto chega ao lugar
... ao teu lugar
No hay comentarios:
Publicar un comentario